ஜி.வி.பிரகாஷ்

          தமிழ் சினிமா துறையில் இளம் இசையமைப்பாளர் மற்றும் நடிகராக வலம் வருபவர் தான் ஜி.வி.பிரகாஷ் குமார். இவர் நடிப்பில் உருவாகிய பேச்சிலர் மற்றும் ஜெயில் ஆகிய திரைப்படங்கள் அடுத்தடுத்து வெளியாக இருக்கின்றன. இதனையடுத்து ஜி.வி.பிரகாஷ், சீனு ராமசாமி இயக்கத்தில் உருவாகி வரும் இடி முழக்கம் படத்திலும்  நடித்துள்ளார்.

செல்பி

இந்நிலையில், இயக்குநர் வெற்றி மாறனின் உதவி இயக்குநரான மதிமாறன் இயக்கத்தில் ஜி.வி. பிரகாஷ் நடித்துள்ள ஆக்சன் திரில்லர் வகையான திரைப்படமான 'செல்பி' திரைப்படத்தின் டிரைலர் நேற்று வெளியாகியுள்ளது. இப்படத்தை கலைப்புலி எஸ்.தாணு தன்னுடைய 'வி கிரியேசன்ஸ்' மூலம் தயாரித்துள்ளார்.

இந்தப் படத்தில் இயக்குநர் மற்றும் நடிகருமான கவுதம் வாசு தேவ் மேனன் முக்கிய கதாபாத்திரத்தில் நடித்துள்ளார். பிகில் திரைப்படத்தில் நடித்திருந்த வர்ஷா பொல்லம்மா கதாநாயகியாக நடித்துள்ளார்.