வாழைப்பழம் மிகவும் எளிதாகக் கிடைக்கக் கூடியது, விலை குறைவானது, எல்லா பருவங்களுக்குமானது என்று பல்வேறு தனித்துவங்கள் கொண்டதாகும் . பழங்களிலேயே மிக அதிக வகைகளைக் கொண்டதும் வாழைப்பழம் தான். ஒவ்வோரு வகையும் தனித்துவமான மருத்துவ குணங்களை கொண்டது. இருப்பினும் வைட்டமின் ஏ, வைட்டமின் பி-6, வைட்டமின் சி, மக்னீசியம், நார்ச்சத்துக்கள் போன்றவை எல்லா வாழைப்பழத்துக்கும் பொதுவானவையாக உள்ளது. ஒவ்வொரு வகை வாழைப்பழத்திலும் என்னென்ன சத்துக்கள் உள்ளது என்பதை விரிவாகப் பார்ப்போம்.
செவ்வாழை
செவ்வாழையில் பீட்டா கரோட்டீன், பொட்டாசியம், வைட்டமின்-சி, ஆன்டி ஆக்ஸிடென்ட், நார்ச்சத்து போன்றவை இருக்கிறது.
- செவ்வாழை சொரி, சிரங்கு, தோல் வெடிப்பு போன்ற சரும நோய்களுக்கு சிறந்த நிவாரணத்தைத் தருகிறது.
- செவ்வாழை தொற்றுநோய் கிருமிகளைக் கொல்லும் ஆற்றலை கொண்டது. சிறுநீரகத்தில் கல் ஏற்படுவதைத் தடுக்கிறது. மலச்சிக்கலை குணப்படுத்துகிறது.
- மாலைக்கண் நோய், கண் பார்வையால் பாதிக்கப்பட்டுள்ளவர்களுக்கு செவ்வாழை சிறந்த மருந்தாகும். இதை தினம் ஒன்று சாப்பிட பார்வை தெளிவாகும்.
- பல் வலி, பல்லசைவு போன்ற பல் சார்ந்த பிரச்னைகளை செவ்வாழைப்பழம் குணமாக்கும்.
- நரம்பு தளர்ச்சி, ஆண்மை குறைபாடு உள்ளவர்கள் தொடர்ந்து செவ்வாழைப்பழம் சாப்பிட்டு வந்தால் நரம்பு தளர்ச்சி குணமடையும். ஆண்மையும் பெருகும்.
ரஸ்தாளியில் பொட்டாசியம், சோடியம், வைட்டமின் பி - 6 மற்றும் நார்ச்சத்துக்கள் அடங்கியது.
- உடலின் ஜீரண சக்தியை அதிகரிக்கச் செய்கிறது. உடல் எடையைக் குறைக்க உதவுகிறது. ரஸ்தாளியால் உடல் சோர்வு நீங்கும்.
- தினமும் இரவு ஒரு ரஸ்தாளி உட்கொண்டால் தூக்கமின்மை பிரச்னை சரியாகும்.மன அழுத்தமும் குறையும்.
கற்பூரவள்ளி
கற்பூரவள்ளியில்செரட்டோனின், நார் எபினெஃப்ரின் சத்துக்கள் உள்ளது. இது வேறு எந்தப்பழத்திலும் இருப்பதில்லை.
- இது உடலுக்கு தேவையான ஜீரண சக்தியை அதிகரிக்கச் செய்கிறது. உடல் சூட்டைத் தணிக்க வல்லது.
- உடலுக்கு தேவையான உடனடி புத்துணர்ச்சி ஆற்றலை உண்டாக்குகிறது. உடல் எடையைக் குறைக்கவும் உதவும். நரம்புகளுக்கு வலுவினைத் தரும்.
பச்சைப்பழம்
பச்சைப்பழத்தில் நார்ச்சத்து, வைட்டமின், மினரல் போன்றவை அதிகமாக உள்ளது.
- பச்சைப்பழம் குடல் புண்களை ஆற்றும் தன்மை கொண்டது. இதயத்துக்கு வலு கூட்டுகிறது.
- மேலும், உடல் எடையை குறைக்கச் செய்கிறது. உடல் குளி்ர்ச்சியை உண்டாக்கும்,பித்த நோய் குணமாகும்.
நேந்திரம் பழம்
நேந்திரம் பழத்தில் அதிகமான பொட்டாசியம, ப்ரோபயாட்டிக் உள்ளது.
- நேந்திரம் பழத்தை தினமும் காலை உணவுக்கு பின் எடுத்துக் கொண்டால் இதயத்துக்கு நல்லது.
- நேந்திரம் பழம் கெட்ட கொழுப்பை குறைக்கும். மலச்சிக்கலை கட்டுப்படுத்தி செரிமானத்தை அதிகரிக்கும்.
- நேந்திரம் பழத்தில் நல்ல தூக்கத்தை வழங்கும் ப்ரோபயாட்டிக் அதிகமாக உள்ளது.
- பூவன் பழம் மூல நோய்களுக்கு உகந்தாக உள்ளது.
- எலும்பு பலவீனம் கொண்டவர்களுக்கு பலன் தரக்கூடியது.
- பூவன் பழத்தை பித்தம் உள்ளவர்கள் உட்கொள்வதும் நல்லது.
மொந்தன் பழம்
- மொந்தன் பழம் மூலம் மற்றும் ரத்தசோகைக்கு நல்லது.
- மொந்தன் பழம் குடல் புண்களைக் கட்டுப்படுத்துவும், மாதவிடாய்க்கும் நல்லது.
- மொந்தன் பழத்தை அல்சர் நோயாளிகள் தொடர்ந்து சாப்பிடலாம்.
பேயன் பழம்
- பேயன் பழம் புகைப்பிடிப்பதை நிறுத்த உதவியாக இருக்கிறது. இதில் உள்ள டிரிப்டோபன் என்னும் அமினோ அமிலம் மூளையில் உற்பத்தியாகும் செரோட்டினின் அளவை அதிகரிக்கச் செய்யும்.
- பேயன் பழம் மன அழுத்தத்தைப் போக்கி புத்துணர்ச்சியுடன் வைத்துக்கொள்ள மிகவும் உதவியாக உள்ளது.
ஏலக்கி
ஏலக்கி என்ற இவ்வகைப் பழத்தில் கார்போஹைட்ரேட் அதிகம் உள்ளது.
- இப்பழம் தசைக்கு நல்லது மற்றும் மலச்சிக்கலுக்கு சிறந்த மருந்தாகவும் உள்ளது.
வாழைப்பழம் உட்கொள்ளக் கூடாதவர்கள்
- நீரிழிவு நோயாளிகள் வாழைப்பழம் அதிகம் சாப்பிடக் கூடாது.
- வாழைப்பழம் ரத்தத்தில் சர்க்கரையின் அளவை அதிகமாக்கும் தன்மை கொண்டது. எனவே, ஒரு நாளைக்கு 1 அல்லது 2 வாழைப்பழங்கள் மட்டும் உட்கொள்வதே போதுமானதாகும்.
- வெறும் வயிற்றில் வாழைப்பழம் உட்கொண்டால் அசிடிட்டி பிரச்னை உண்டாகும். மேலும், அடுத்தடுத்து உணவுகளை எடுத்துக் கொள்வதிலும் சிக்கல் ஏற்படும். அதனால் மதியம் அல்லது இரவு நேரங்களில் எடுத்துக் கொள்வது நல்லது.
தவிர்க்க வேண்டிய வாழை
சென்னை போன்ற பெருநகரங்களில் மோரீஸ் என்ற வாழைப்பழம் விற்கப்படுகிறது. இந்த வாழைப்பழம் திசு வளர்ப்பு முறையில் விளைய வைக்கக் கூடிய பழமாகும். இதை சாப்பிடுவதால் ஒவ்வாமை, சைனஸ், ஆஸ்துமா போன்ற பிரச்னைகள் ஏற்படும் வாய்ப்பு உண்டு. எனவே, இதுபோன்ற மரபணு மாற்றப்பட்ட வாழைப்பழங்களை உண்ணக்கூடாது.
0 Comments